做女人好煩，尤其係我呢D貪靚嘅女人，又要做facial
、又要做hair treatment，而家仲要煩多一樣，就係要搞搞d牙 ><” 煩呀！鬼叫自己成日都飲咖啡，又無好特別咁護理佢，搞到d 牙愈來愈黃，而家無咗口罩啦，成副牙黃甘甘，搞到唔敢大笑…… 點算？
我想牙齒美白呀！藍光美白漂牙 vs 、陶瓷美白牙貼
本著要美白牙齒嘅心態，我去咗見牙醫，佢同我講而家市面專業牙齒美白嘅方法主要有藍光美白漂牙、陶瓷美白牙貼。不過，醫生同我Check完之後，佢話我有敏感牙齒問題，建議我做美白牙貼會好一d。咁係因為藍光美白漂牙係會用高濃度過氧化氫嘅美白劑，對敏感牙齒嘅人嚟講可能會有少少刺激，所以美白牙貼就啱我一d啦。不過，我有d朋友都有做過藍光美白漂牙，話效果係幾唔錯，所以想做嘅人都唔洗太擔心，只要做之前搵專業牙醫check下就ok啦！
陶瓷美白牙貼原來可以last 20年！！！
咁咩係陶瓷美白牙貼呢？簡單d講即係喺本身自己嘅牙齒上面貼上一層薄薄嘅瓷片，可以即時改善牙黃、外型唔靚、外型唔齊嘅牙齒問題，雖然價錢貴(1隻至少$5000起)，不過牙醫話如果護理得好，陶瓷美白牙貼係可以用到20年，咁我覺得都ok呀，不過做完之後，要努力d搵$啦!!
咁所以我就考慮好做美白牙貼啦，簡單講下個步驟，首先做專業檢查，然後經電腦掃描、影相，做第1次印牙模，咁再下一步就係洗潔及打磨。隔咗排之後再做第2次精準印牙模 ，搞掂之後就可以安裝臨時牙貼，揀好牙色之後咁就可以試戴同安裝牙貼啦。
做完美白牙貼之後，我d牙真係變返白啦~開心！牙醫提我做完美白牙貼之後第一個星期盡量唔好食色素較深食物同飲品，更加唔好食煙，避免牙貼染色。只要護理得好，牙貼真係可以keep好耐，而我就唔洗再擔心大笑啦！
留言
張貼留言